ភ្នំពេញ÷នៅរសៀលថ្ងៃព្រហស្បតិ៍ ១ រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែកុម្ភៈ ឆ្នាំ២០២៥ វេលាម៉ោង ០២:០០នាទីរសៀល លោក សេង គន្ធ អភិបាល នៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌមានជ័យ បានចង្អុលបង្ហាញលោកចៅសង្កាត់ស្ទឹងមានជ័យទី៣ នាយប៉ុស្តិ និងកម្លាំងសណ្តាប់ធ្នាប់ខណ្ឌ បានដឹកនាំកម្លាំងចុះបង្រ្កាបទីតាំងឡូតូ ជ្រកក្រោមស្លាកយីហោ កាហ្វេ៩៩ នៅភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ ដោយធ្វើការដកហូតសម្ភារៈមួយចំនួនដូចខាងក្រោម៖
-ទូរសព្ទដៃ ១គ្រឿង
-កុំព្យូទ័រ ១គ្រឿង
-និងឃាត់ខ្លួនមនុស្សបានចំនួន ០១នាក់ ភេទស្រី
សម្ភារៈពាក់ព័ន្ធនឹងទីតាំងដាក់ឡូតូខាងលើ ត្រូវបានកម្លាំងគណៈបញ្ជាការឯកភាពរដ្ឋបាលខណ្ឌមានជ័យ យកទៅរក្សាទុក នៅសាលាខណ្ឌមានជ័យជាបណ្ដោះអាសន្ន និងមនុស្សពាក់ព័ន្ធបញ្ចូនទៅប៉ុស្តិ៍នគរបាលសង្កាត់ស្ទឹងមានជ័យទី៣ ដើម្បីមានចំណាត់ការតាមនីតិវិធី។
អង្គភាពយើងខ្ញុំសូមអរគុណដល់លោកអភិបាលនៃគណៈអភិបាលខណ្ឌមានជ័យដែលដឹកនាំកម្លាំងចុះបង្ក្រាបទីតាំងល្បែងស៊ីសងឆ្នោតឡូតូមួយកន្លែងបានយ៉ាងឆាប់រហ័ស
ហ្នឹងសូមអរគុណដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញដែលបានដាក់បទបញ្ជាយ៉ាងមើងម៉ាត់ដល់មន្ត្រីក្រោមឱវាទសូមអរគូណ។
